www.urdu110.com
www.urdu110.com

Here IsTechnology,Urdu Adab, Poetry, and much more...
 
HomeHome  PortalPortal  GalleryGallery  MemberlistMemberlist  UsergroupsUsergroups  RegisterRegister  Log inLog in  
Latest topics
» Payam Poetry On facebook
1/3/2014, 09:20 by Ahmed_Jan

» Hdd Regenerator 2013 Full Gratis
1/3/2014, 09:15 by Ahmed_Jan

» Salam To All Member
6/9/2013, 12:53 by jan_zhob

» TeamViewer Conntrol AnAutor Pc By JAn
14/6/2013, 14:58 by Ahmed_Jan

» Salgiar Mubarak
12/8/2012, 08:00 by Ahmed_Jan

» DUE -E- MAGFARAT
25/6/2012, 10:47 by zeemano

» New Desin Shairy
28/5/2012, 16:15 by shahzad ahmad

» Khod Muj Se Ye Khata Hogia
27/5/2012, 12:21 by muhammad arshad

» Ahmed Faraz 1st Book Tanha Tanha.
15/5/2012, 17:06 by rahmatjan

Who is online?
In total there is 1 user online :: 0 Registered, 0 Hidden and 1 Guest

None

Most users ever online was 15 on 20/10/2013, 18:47
Top posters
Ahmed_Jan
 
jan_zhob
 
Wahid45
 
hakeem_zhob
 
fayzi
 
haleem_gul
 
matinkhan
 
rahmatjan
 
zainlawoon
 
monthazir m monthazirm
 
Keywords
funny desktop ahmad download clock duaa hakeem inpage faraz
Search
 
 

Display results as :
 
Rechercher Advanced Search
Social bookmarking
Social bookmarking Digg  Social bookmarking Delicious  Social bookmarking Reddit  Social bookmarking Stumbleupon  Social bookmarking Slashdot  Social bookmarking Yahoo  Social bookmarking Google  Social bookmarking Blinklist  Social bookmarking Blogmarks  Social bookmarking Technorati  

Bookmark and share the address of www.urdu110.com on your social bookmarking website

Share | 
 

 Faraz Sab Ke Ek Batareen Ghazal (Suna Hain Log)

View previous topic View next topic Go down 
AuthorMessage
Wahid45
Super Poster
Super Poster
avatar

Posts : 161
Reputation : 3
Join date : 2011-10-23
Location : Pakistan

PostSubject: Faraz Sab Ke Ek Batareen Ghazal (Suna Hain Log)   22/11/2011, 06:36

Suna hai log use aankh bhar ke dekhte hain
so us ke shahar main kuch din Thahar ke dekhte hain

Suna hai rabt hai us ko Kharaab halon se
so apane aap ko barbaad karake dekhate hain

Suna hai dard ki gaahak hai chashm-e-naazuk us ki
so hum bhi us ki gali se guzar kar dekhate hain

Suna hai us ko bhi hai sher-o-shayari se shagaf
so hum bhi mojaze apane hunar ke dekhate hain

Suna hai bole to baatoun se phuul jhaartay hain
ye baat hai to chalo baat kar ke dekhate hain

Suna hai raat use chaand takataa rahataa hai
sitaare baam-e-falak se utar kar dekhate hain

Suna hai hashr hain us kii Gazaal si aankhein
Suna hai us ko hiran dasht bhar ke dekhate hain

Suna hai din ko use titaliyaan sataati hain
Suna hai raat ko jugnuu Thahar ke dekhate hain

Suna hai raat se barr kar hain kaakulein us ki
Suna hai shaam ko saaye guzar ke dekhate hain

Suna hai us ki siyaah chashmagi qayaamat hai
so us ko surmaafarosh aankh bhar ke dekhate hain

Suna hai us ke laboun se gulaab jalate hain
so ham bahaar par ilzaam dhar ke dekhate hain

Suna hai aainaa tamasaal hai jabiain us kaa
jo saadaa dil hain ban saanvar ke dekhate hain

Suna hai jab se hamaail hain us ki gardan main
mizaaj aur hi laal-o-gauhar ke dekhate hain

Suna hai chashm-e-tasawar se dasht-e-imkaan main
palang zaave us ki kamar ke dekhate hain

Suna hai us ke badan ke taraash aise hain
ke phuul apani qabaayen katar ke dekhate hain

vo sarv-qad hai magar be-gul-e-muraad nahain
ke us shajar pe shaguufe samar ke dekhate hain

bas ek nigaah se luTataa hai qaafilaa dil kaa
so rahain-ravaan-e-tamannaa bhi Dar ke dekhate hain

Suna hai us ke shabistaan se muttasil hai bahisht
makeen udhar ke bhi jalve idhar ke dekhate hain

ruke to gardishein us kaa tawaaf karati hain
chale to us ko zamaane Thahar ke dekhate hain

kise naseeb ke be-pairahan use dekhe
kabhi kabhi dar-o-diivaar ghar ke dekhate hain

kahaaniyaan hian sahi sab mubaalaGe hi sahi
agar wo Khvaab hai taabeer kar ke dekhate hain

ab us ke shahar main Thaharein ki kuuch kar jaayein
'Faraz' aao sitaare safar ke dekhate hain
Back to top Go down
http://www.payam.com
 
Faraz Sab Ke Ek Batareen Ghazal (Suna Hain Log)
View previous topic View next topic Back to top 
Page 1 of 1

Permissions in this forum:You cannot reply to topics in this forum
www.urdu110.com :: Poetry :: All Urdu Poets :: Ahmed Faraz-
Jump to: