Deewan e Ghalib

Subject: Deewan e Ghalib 22/11/2011, 08:46

نقش فریادی ہےکس کی شوخئ تحریر کا

کاغذی ہے پیرہن ہر پیکرِ تصویر کا

شوخئِ نیرنگ، صیدِ وحشتِ طاؤس ہے

دام، سبزے میں ہے پروازِ چمن تسخیر کا

لذّتِ ایجادِ ناز، افسونِ عرضِ ذوقِ قتل

نعل آتش میں ہے، تیغِ یار سے نخچیر کا

کاؤکاوِ سخت جانی ہائے تنہائی نہ پوچھ

صبح کرنا شام کا، لانا ہے جوئے شیر کا

جذبۂ بے اختیارِ شوق دیکھا چاہیے

سینۂ شمشیر سے باہر ہے دم شمشیر کا

آگہی دامِ شنیدن جس قدر چاہے بچھائے

مدعا عنقا ہے اپنے عالمِ تقریر کا

خشت پشتِ دستِ عجز و قالب آغوشِ وداع

پُر ہوا ہے سیل سے پیمانہ کس تعمیر کا

وحشتِ خوابِ عدم شورِ تماشا ہے اسدؔ

جو مزه جوہر نہیں آئینۂ تعبیر کا

بس کہ ہوں غالبؔ ، اسیری میں بھی آتش زیِر پا

موئے آتش دیده ہے حلقہ مری زنجیر کا

جنوں گرم انتظار و نالہ بیتابی کمند آیا

سویدا تا بلب زنجیر سے دودِ سپند آیا

مہِ اختر فشاں کی بہرِ استقبال آنکھوں سے

تماشا کشورِ آئینہ میں آئینہ بند آیا

تغافل، بد گمانی، بلکہ میری سخت جانی ہے

نگاهِ بے حجابِ ناز کو بیمِ گزند آیا

عالم جہاں بعرضِ بساطِ وجود تھا
جوں صبح، چاکِ جَیب مجھے تار و پود تھا
جز قیس اور کوئی نہ آیا بروئے کار
صحرا، مگر، بہ تنگئ چشمِ حُ سود تھا
بازی خورِ فریب ہے اہلِ نظر کا ذوق
ہنگامہ گرم حیرتِ بود و نمود تھا
خموشاں ہے سر بسر عالم طلسمِ شہرِ
یا میں غریبِ کشورِ گفت و شنود تھا
آشفتگی نے نقشِ سویدا کیا درست
ظاہر ہوا کہ داغ کا سرمایہ دود تھا
تھا خواب میں خیال کو تجھ سے معاملہ
جب آنکھ کھل گئی نہ زیاں تھا نہ سود تھا
لیتا ہوں مکتبِ غمِ دل میں سبق ہنوز
لیکن یہی کہ رفت گیا اور بود تھا
ڈھانپا کفن نے داغِ عیوبِ برہنگی
میں، ورنہ ہر لباس میں ننگِ وجود تھا
تیشے بغیر مر نہ سکا کوہکن اسدؔ
سرگشتۂ خمارِ رسوم و قیود تھا

عشق سے طبیعت نے زیست کا مزا پایا

درد کی دوا پائی، درد بے دوا پایا

غنچہ پھر لگا کھلنے، آج ہم نے اپنا دل

خوں کیا ہوا دیکھا، گم کیا ہوا پایا

شورِ پندِ ناصح نے زخم پر نمک چھڑکا

آپ سے کوئی پوچھے تم نے کیا مزا پایا

فکرِ نالہ میں گویا، حلقہ ہوں زِ سر تا پا

عضو عضو جوں زنجیر، یک دلِ صدا پایا

حال دل نہیں معلوم، لیکن اس قدر یعنی

ہم نے بار ہا ڈھونڈھا، تم نے بارہا پایا

شب نظاره پرور تھا خواب میں خرام اس کا

صبح موجۂ گل کو نقشِ بوریا پایا

جس قدر جگر خوں ہو، کوچہ دادنِ گل ہے

زخمِ تیغِ قاتل کو طُرفہ دل کشا پایا

ہے نگیں کی پا داری نامِ صاحبِ خانہ

ہم سے تیرے کوچے نے نقشِ مدّعا پایا

دوست دارِ دشمن ہے! اعتمادِ دل معلوم

آه بے اثر دیکھی، نالہ نارسا پایا

نَے اسد جفا سائل، نَے ستم جنوں مائل

تجھ کو جس قدر ڈھونڈھا الفت آزما پایا

کہتے ہو نہ دیں گے ہم دل اگر پڑا پایا
دل کہاں کہ گم کیجیے؟ ہم نے مدعا پایا
ہے کہاں تمنّا کا دوسرا قدم یا رب
ہم نے دشتِ امکاں کو ایک نقشِ پا پایا
بے دماغِ خجلت ہوں رشکِ امتحاں تا کے
ایک بے کسی تجھ کو عالم آشنا پایا
سادگی و پرکاری، بے خودی و ہشیاری
حسن کو تغافل میں جرأت آزما پایا
خاکبازئِ امید، کارخانۂ طفلی
یاس کو دو عالم سے لب بخنده وا پایا
کیوں نہ وحشتِ غالبؔ باج خواهِ تسکیں ہو
کشتۂ تغافل کو خصمِ خوں بہا پایا

Subject: Re: Deewan e Ghalib 28/2/2012, 09:21

Subject: Re: Deewan e Ghalib 28/2/2012, 09:21

Subject: Re: Deewan e Ghalib 28/2/2012, 09:22

» Ghalib Sab Ka Ghazal
» Best Of Mirza Ghalib
» Azeem Shair Ghalib
» Mirza Ghalib Poetry
» Mirza Ghalib Ghazal