Ahmed Faraz Nice Ghazlain

Subject: Ahmed Faraz Nice Ghazlain 10/1/2012, 07:41

First topic message reminder :

ab ke tajdid-e-vafa ka nahin imkan jana
yad kya tujh ko dilayain tera paiman jana

yon hi mausam ki ada dekh ke yad aya hai
kis qadar jald badal jate hain insan jana

zindagi teri ata thi so tere nam ki hai
ham ne jaise bhi basar ki tera ehsan jana

dil ye kahata hai ki shayad ho fasurda tu bhi
dil ki kya bat karain dil to hai nadan jana

avval-avval ki muhabbat ke nashe yad to kar
bepiye bhi tera chehara tha gulistan jana

akhir akhir to ye alam hai ki ab hosh nahin
rag-e-mina sulag uthi ki rag-e-jan jana

muddaton se ye alam na tavaqqo na ummid
dil pukare hi chala jata hai jana jana

ham bhi kya sada the ham ne bhi samajh rakha tha
gam-e-dauran se juda hai gam-e-jana jana

ab ki kuch aisi saji mahafil-e-yaran jana
sar-ba-zanu hai koi sar-ba-gireban jana

har koi apani hi avaz se kanp uthata hai
har koi apane hi saye se hirasan jana

jis ko dekho vahi zanjir-ba-pa lagata hai
shahar ka shahar hua dakhil-e-zindan jana

ab tera zikr bhi shayad hi gazal main aye
aur se aur hua dard ka unvan jana

ham ki ruthi hui rut ko bhi mana lete the
ham ne dekha hi na tha mausam-e-hijran jana

hosh aya to sabhi khvab the reza-reza
jaise urate huye auraq-e-pareshan jana

Subject: karuu.N na yaad agar kis tarah bhulaa_uu.N use 12/1/2012, 06:05

karuu.N na yaad agar kis tarah bhulaa_uu.N use
Gazal bahaanaa karuu.N aur gun_gunaa_uu.N use

vo Khaar-Khaar hai shaaKh-e-gulaab kii maanind
mai.n zaKhm-zaKhm huu.N phir bhii gale lagaa_uu.N use

ye log tazakare karate hai.n apane logo.n se
mai.n kaise baat karuu.N aur kahaa.N se laa_uu.N use

magar vo zuud_faraamosh zuud ranj bhii hai
ke ruuTh jaaye agar yaad kuchh dilaa_uu.N use

vahii jo daulat-e-dil hai vahii jo raahat-e-jaa.N
tumhaarii baat pe ai naasiho ga.Nvaa_uu.N use

jo ham_safar sar-e-manzil bichha.D rahaa hai 'Faraz'
ajab nahii.n ki agar yaad bhii na aa_uu.N use

Subject: aashiqii be-dilii se mushkil hai 12/1/2012, 06:06

aashiqii be-dilii se mushkil hai
phir muhabbat usii se mushkil hai

ishq aaGaaz hii se mushkil hai
sabr karanaa abhii se mushkil hai

ham aasaaN hain aur hamaare liye
dushmanii dostii se mushkil hai

jis ko sab be-vafaa samajhate ho.n
bevafaa_ii usii se mushkil hai

ek do duusare se sahel na jaan
herkoi har kisii se mushkil hai

tuu baa-zid hai to jaa 'Faraz' magar
vaapasii us galii se mushkil hai

Subject: muntazir kab se tahayyur hai terii taqariir kaa 12/1/2012, 06:07

muntazir kab se tahayyur hai terii taqariir kaa
baat kar tujh par gumaa.N hone lagaa tasviir kaa

raat kyaa soye ki baaqii umr kii niind u.D ga_ii
Khvaab kyaa dekhaa ki dha.Dakaa lag gayaa taabiir kaa

jaane tuu kis aalam me.n bichha.Daa hai ki tere baGair
aaj tak har lafz fariyaadii merii tahariir kaa

jis tarah baadal kaa saayaa pyaas bha.Dakaataa rahe
mai.n ne vo aalam bhii dekhaa hai terii tasviir kaa

kis tarah paayaa tujhe phir kis tarah khoyaa tujhe
mujh saa munkir bhii to qaa_il ho gayaa taqadiir kaa

ishq me.n sar pho.Danaa bhii kyaa ke ye be-meher log
juu-e-Khuu.N ko naam dete hai.n juu-e-shiir kaa

jis ko bhii chaahaa use shiddat se chaahaa hai 'Faraz'
sil-silaa TuuTaa nahii.n dard kii zanjiir kaa

Subject: yeh to uska hi karishma hai fusu.n yu.n hai 12/1/2012, 06:08

yeh to uska hi karishma hai fusu.n yu.n hai
yu.n to kehne ko sabhi kehte hai.n yu.n hai yu.n hai

tum mohabbat mei.n kaha.n sood-o-zyaa.n le aaye
ishq ka naam khirad hai na junoo.n hai yu.n hai

jaise koi ho dar-e-dil pe sitada kab se
aik saya na daru.n hai na baru.n hai yu.n hai

ab tum aaye ho meri jaan tamasha karne
ab to darya mei.n talatum na sukoo.n hai yu.n hai

tu ne dekhi hi nahi.n dasht-e-wafa ki tasveer
nok-e-har khaar pe ik qatra-e-khu.n hai yu.n hai

naaseha! tujh ko khabar kya ke mohabbat kya hai
roz aa jaata hai samjhata hai yu.n hai yu.n hai

shaairi taza zamaano.n ki hai me�maar "Faraz"
yeh bhi ik silisila-e-"kun fa yaku.n" hai yu.n hai

Subject: har tamaashaa_ii faqat saahil se manzar dekhataa 12/1/2012, 06:09

har tamaashaa_ii faqat saahil se manzar dekhataa
kaun dariyaa ko ulaTataa kaun gauhar dekhataa

vo to duniyaa ko merii diivaangii Khush aa ga_ii
tere haatho.n me.n vagarnaa pahalaa patthar dekhataa

aa.Nkh me.n aa.Nsuu ja.De the par sadaa tujh ko na dii
is tavaqqo par ki shaayad tuu palaT kar dekhataa

merii qismat kii lakiire.n mere haatho.n me.n na thii.n
tere maathe par ko_ii meraa muqaddar dekhataa

zindagii phailii hu_ii thii shaam-e-hijraa.N kii tarah
kis ko itanaa hausalaa thaa kaun jii kar dekhataa

Duubane vaalaa thaa aur saahil pe cheharo.n kaa hujuum
pal kii mohalat thii mai.n kis ko aa.Nkh bhar ke dekhataa

tuu bhii dil ko ik lahuu kii buu.Nd samajhaa hai 'Faraz'
aa.Nkh gar hotii to qatre me.n samandar dekhataa

» Faraz Sab Ghazlain
» Faraz Sab Ki Ghazlain On Faacbook
» Ahmed Faraz and Pakistani Politics
» Best Of Ahmed Faraz
» Information Of Ahmed Faraz